गजल

आत्मबल हुनेहरु हिउॅ पनि बाल्छन्

ऋषिराम पाण्डेय

आत्मबल हुनेहरु हिउॅ पनि बाल्छन्
कैल्यै हार नमान्नेहरू फलाम पगाल्छन्

हतास नमान हरेस नखाऊ यति छिटो
सफल हुनेहरू बुझेपछि काम थाल्छन्

साहस भन्ने चीज पनि अनौठो हुन्छ हेर
साहसी आफुलाई मुत्युको मुखमा हाल्छन्

रोकिनु हुन्न बीचमा बाटो जस्तो होस् न
उनीहरू निरन्तर नरोकिइ पाइला चाल्छन्

के हो र यो जीवन पनि जीउन जान्नेका लागि
फाट्यो भने कतै यो बीचमा धेरै ठाउॅ टाल्छन्

Show More

Related Articles

Leave a Reply

Your email address will not be published. Required fields are marked *

Check Also

Close
en_USEnglish
en_USEnglish
Close